चार बुँदे माग राख्दै शैक्षिक हड्तालमा उत्रिएका राहत शिक्षकहरुले ताप्लेजुङका सामुदायिक विद्यालयमा पठन पाठन अवरुद्ध गराएका छन् । भदौ २६ देखि २८ गतेसम्म तीनदिने हड्तालको आह्वान गरेको नेपाल राहत शिक्षक समितिले मंगलबार देखिनै पठनपाठन ठप्प पारेका हुन् ।

ताप्लेजुङमा सम्पन्न पाथीभरा गोल्डकप फुटबल प्रतियोगिताको उपाधि रेड स्टार क्लब झापाले उचालेको छ । स्थानीय भानुजन माविको खेल मैदानमा सम्पन्न फाइनल खेलमा न्युस्टार क्लबलाई २–१ गोल अन्तरले पराजित गर्दै रेडस्टारले उपाधि हात पारेको हो ।

नेपाल कम्युनिष्ट पार्टी (नेकपा) का नेता योगेश भट्टराईले सरकार म्याराथनको गतिमा दौडिरहेको बताउनु भएको छ । ताप्लेजुङमा आज आयोजित पत्रकार सम्मेलनमा नेता भट्टराईले कहाँ पुग्नु छ र कति समय लाग्छ भन्ने योजना सहित सरकार दौडिएरहेको बताउनुभयो । ‘सरकारका बारेमा धेरै सार्वजनिक प्रश्न उठेका छन, यस्ता टिप्पणीले सरकारलाई झक्झक्याउँछ,’ भट्टराईले भन्नुभयो, ‘छ महिनामा धेरै चमत्कार भएका छैनन्, हामी म्याराथन धावक हौं, आफ्नो लयमा दौडिएका छौं ।’

ताप्लेजुङमा जारी पाथीभरा गोल्डकप फुटवल प्रतियोगीतामा आजदेखि सेमिफाइनल चरणका खेल सुरु हुँदैछ । आजको पहिलो सेमिफाइनलमा झापाको रेड स्टार क्लब र सुनसरीको राष्ट्रिय जागृती क्लब इटहरी आमने–सामने हुँदैछन् ।

झापा विर्तामोडको न्यू स्टार क्लव पाथीभरा गोल्डकप फुटबल प्रतियोगीताको सेमिफाइनलमा प्रबेश गरेको छ । आयोजक ताप्लेजुङको कर्णसिंह सोनाम स्मृती क्लवलाई अतिरित्त समयमा १–० गोल अन्तरले पराजीत गर्दै झापाले अन्तिम चारमा स्थान बनाएको हो ।

झापाको रेडस्टार क्लब ताप्लेजुङमा जारी पाथीभरा गोल्डकपको फुटबल प्रतियोगिताको अन्तिम चारमा प्रवेश गरेको छ । ईलामको रेडहर्स क्लबलाई २–१ गोल अन्तरले हराउँदै झापाले सेमिफाईनलमा स्थान सुरक्षित गरेको हो ।