केआईसिंह राजमार्गअन्र्तगत डडेल्धुराको रडुवा खोलामा हिजो साँझ भएको बस दुर्घटनामा मृत्यु हुनेको संख्या १८ पुगेको छ । घटनामा १० जनाको घटनास्थलमै र ८ जनाको उपचारका क्रममा मृत्यु भएको छ । गम्भीर घाईते ५ र सामान्य घाईते २६ जनाको धनगढी र डडेलधुराका बिभिन्न अस्पातालमा उपचार भईरहेको छ ।

डोटी – डडेलधुराको डा. केआइ सिंह राजमार्गको रडुवा खोलामा बिहीबार साँझ बस दुर्घटना हुँदा १६ जनाको मृत्यु भएको छ । २६ जना भन्दा बढी गम्भीर घाइते भएका छन् । घाइते मध्ये ७ जनाको अवस्था गम्भीर रहेको उपक्षेत्रीय अस्पताल डडेलधुराले जानकारी दिएको छ ।

कांग्रेस जिल्ला सम्मेलनको उदघाटन गर्न डडेलधुरा पुगेका पूर्व प्रधानमन्त्री तथा कांग्रेस सभापति शेरबहादुर देउवालाई कांग्रेस कार्यकर्ताहरुले स्वेच्छाचारी नबन्न चेतावनी दिएका हुन् । गत निर्वाचन पछि पहिलो पटक गृह जिल्ला पुगेका देउवालाई कार्यक्रममा नै कार्यकर्ताहरुले विधि प्रकृया र पद्धतिलाई मिचेर काम नगर्न चेतावनी दिएका हुन् ।

४ दिन अघि कैलालीको कैलारी गाउंपालिका १ दक्षिण मन्झरामा स्थानीय महिलालाई बलात्कार गर्न खोज्ने कृष्ण चौधरी सहित ७ जनालाई प्रहरीले पक्राउ गरेको छ । घटना सार्वजनिक भएलगत्तै सक्रिय भएको प्रहरीले जर्वजस्ती करणी गर्न खोज्ने कृष्ण चौधरी र कानुन हातमा लिएर कालोमसो दल्ने अन्य ६ जनालाई नियन्त्रणमा लिएको हो ।

प्रधानमन्त्री केपी शर्मा ओलीको भारत भ्रमणको पूर्वसन्ध्यामा नापी विभागका अधिकारीले भारतीय पक्षले सहमति पालना नगर्दा समय समयमा सीमा विवाद उत्पन्न हुने गरेको दाबी गरेका छन् । भ्रमणका क्रममा सो विषय समेत उठाउन प्रधानमन्त्रीलाई उनीहरुको सुझाव थियो ।

प्रदेश नम्बर सातको मन्त्रिपरिषदको बैठकले राष्ट्रिय गौरवका आयोजनालाई पहिलो प्राथमिकतामा राख्ने निर्णय गरेको छ । मुख्यमन्त्री तथा मन्त्रीहरुले पदभार ग्रहण गरेपछि बसेको पहिलो बैठकले प्रदेशमा संचालनमा रहेका ३ वटा राष्ट्रिय गौरवका आयोजनाका साथै पर्यटन र कृषि क्षेत्रलाई प्राथमिकतामा राख्ने निर्णय गरेको हो ।