Stories By 'राजेन्द्र मानन्धर'
दोलखाको कालिञ्चोक गाउँपालिका वडा नं. ९ स्थित सुन्द्रावतीमा भूकम्प पीडितसँग घुस लिंदालिंदै अख्तियारको टोलीले प्राविधिकलाई रंगेहात पक्राउ गरेको छ । भूकम्प पीडितसँग नक्सा पास गर्ने क्रममा पैसा असुल्ने गरेको उजुरीको आधारमा अख्तियारको टोलीले प्राविधिक रामभरोसा यादवलाई फक्राउ गरेको हो ।
पूरा पढ्नुहोस्
दोलखाको पुनर्निर्माणका लागि सात हजार डकर्मीलाई दक्ष जनशक्ति बनाइएको छ । उनीहरुलाई भूकम्प प्रतिरोधी संरचना बनाउनका लागि सीप प्रदान गरिएको हो । हालै गरिएको सर्वेक्षणले सीप हासिल गरेपछि ८८ प्रतिशत जनशक्ति पुनर्निर्माणमा व्यस्त छन् । राष्ट्रिय पुनर्निर्माण प्राधिकरण जिल्ला समन्वय कार्यालयका अनुसार हालसम्म छ हजार आठ सय ९१ जना व्यक्तिले भूकम्प प्रतिरोधी संरचना बनाउने तालिम लिए । तालिमको क्रम जारी छ ।
पूरा पढ्नुहोस्
सर्वेक्षणका अनुसार तामाकोसी नदीले दुई हजार भन्दा बढी मेगावाट ऊर्जा दिन्छ । यो आकर्षक खोलाको पेरिफेरीमा दुई दशक देखि फन्को मार्दै आएको ‘हाइड्रो राजनीति’ अझै पनि रोकिएको छैन । शनिबार बिहान तामाकोसी किनार चर्नावतीमा एउटा जमघट भयो । जुन पछिल्लो कालखण्डमा विवादित बनाइएको तामाकोसी तेस्रो बारेको हाइड्रो राजनीति थियो ।
पूरा पढ्नुहोस्
चुनावका बेला जिल्लाको शक्तिशाली मानिने दुई पद सीडीओ र डीएसपीलाई बढी ‘मानमनितो’ हुन्छ । त्यस्तै मानमनितो पाएका सीडीओ लक्ष्मणविक्रम थापा र डीएसपी रामेश्वर कार्की स्थानीय निर्वाचन सम्पन्न भएको एक वर्ष बितेको सेरोफेरोमा सरुवा भए । निर्वाचनहरुमा खराब इतिहास रचेको दोलखामा शान्तिपूर्वक संघीय र प्रदेशको निर्वाचन गराएकाले यी दुईले राम्रै मानमनितो पाएका थिए ।
पूरा पढ्नुहोस्
जनगणनाको सूचाकाङ्कमा दोलखाको ओराङ जिल्लाकै सबैभन्दा पिछडिएको छ तर त्यही ओराङ निजी आवास पुनर्निर्माण सम्पन्न गर्नेमा देशकै पहिलो गाउँ बनेको छ । ‘नेपालकै पहिलो पुनर्निर्माण कार्य सम्पन्न भएको गाउँमा स्वागत,’ लेखिएको द्वारबाट छिरेपछि एकपछि अर्को पाँच सय ६० वटा घरहरु नयाँ देखिन्छन् । भूकम्प पीडित लाभग्राहीमा सूचीकृत सबैको घर निर्माण भैसकेकाले उक्त गाउँमा हर्षउल्लास छाएको छ ।
पूरा पढ्नुहोस्
सीडीओ सरुवा भएर आउनेबित्तिकै हतारहतार क्रसर उद्योग माथि नै किन निसाना बनाए भनेर कतिपयले प्रश्न उब्जाएका छन् । कतिपयले, विवादित बनिरहेका क्रसर उद्यमलाई कानूनी दायरामा ल्याउने सीडीओको पहिलो प्रशंसनीय कदम पनि भनिरहेका छन् । सागरमणि पाठक सीडीओ वा प्रमुख जिल्ला अधिकारी भएर दोलखा आएको भन्दा पनि क्रसर उद्यमीहरु पक्राउ गरेर धरौटीमा रिहा गरिएको विषयले बढी चर्चा पाइरहेको छ ।
पूरा पढ्नुहोस्