Stories By ' शंकर आचार्य '
चालु आर्थिक बर्षको चैत महिना सम्ममा वीरगञ्जको सिर्सिया सुक्खा बन्दरगाह नाका हुँदै चिनीको आयात दोब्बर भन्दा बढी भएको छ । विशेष गरी पाकिस्तानबाट यस वर्ष सर्वाधिक बढी चिनी आयात भएको छ । आर्थिक वर्षको पहिलो नौं महिना, वीरगञ्ज नाका भएर ४ अर्ब ६७ करोड २६ लाख ३८ हजार रुपैयाँ बराबरको ८३ हजार ८ सय ७५ दशमलव ७१ मेट्रिक टन चिनी आयात भएको सुक्खा बन्दरगाह भन्सार कार्यालयका सूचना अधिकृत धनबहादुर बरुवालले बताउनुभयो ।
पूरा पढ्नुहोस्
सीमा प्रहरी चौकी इनर्वा वीरगन्जका प्रहरीले सहकर्मीलाई कुटेको विरोधमा ट्याङकर चालकले पेट्रोलियम पदार्थ ढुवानी ठप्प पारेका छन् । ना ३ ख ९६३९ नम्बरका ट्यांकर चालक चितवनका सन्तोष प्रसाईलाई सीमा प्रहरी चौकीका प्रहरी नायव निरीक्षक बिनोद मल्लिक सहितले हिजो साँझ नेपाल भारत सीमामा कुटपिट गरेको भन्दै ट्यांकर चालक संघले ढुवानी ढप्प पारेको हो ।
पूरा पढ्नुहोस्
पर्साको वीरगन्जस्थित सिर्सिया सुक्खा बन्दरगाह भन्सार कार्यालयले चैत महिनामा राजश्व असूली लक्ष्य भेट्टाएको छ । भन्सार कार्यालयका निमित्त प्रमुख धनबहादुर बरुवालका अनुसार, चैत महिनामा यो भन्सार कार्यालयले २ अर्ब ५८ करोड ८७ लाख ४१ हजार रुपैयाँ राजश्व संकलन गरेको छ । जुन लक्ष्यको करीब २ प्रतिशतले बढी हो । यस महिनामा २ अर्ब ५४ करोड ६४ लाख ८४ हजार रुपैयाँ राजश्व संकलनको लक्ष्य थियो ।
पूरा पढ्नुहोस्
पर्सास्थित राष्ट्रिय निकुञ्जमा जंगली हात्तीको आक्रमणबाट एक जनाको मृत्यु भएको छ । आक्रमणले निकुञ्जको रामभौरीभाठा क्षेत्रमा बस्दै आएका २६ बर्षिय कमलेश गिरीको मृत्यु भएको हो ।
पूरा पढ्नुहोस्
पर्साको वीरगञ्जस्थित एकीकृत सुरक्षा जाँच चौकी आइसीपी र सिर्सिया सुख्खा बन्दरगाहबीचको सडक बिस्तारको काम सुरु भएको छ । हुलाकी सडक अन्तर्गतको १ हजार १ सय मिटर लामो सो सडक खण्ड वरपर रहेका जग्गाको मुआब्जा वितरण कार्य शुरु भएसंगै सडक बिस्तारको काम थालिएको हो । हाल २ लेनको सो सडक खण्ड अब ६ लेनको हुनेछ ।
पूरा पढ्नुहोस्
शनिबार देखि सञ्चालनमा आएको पर्साको वीरगन्जस्थित एकीकृत सुरक्षा जाच चौकी आइसीपी भन्सार कार्यालयले एकै दिनमा दिन ४ करोड ४ लाख रुपैयाँ राजश्व संकलन गरेको छ । भन्सार कार्यालयका सूचना अधिकृत सन्तोष यादवले शनिबार पहिलो दिन ८५ वटा इन्धन बोकेका ट्यांकर भारत तर्फको आइसीपीबाट वीरगञ्ज नेपाल भित्रिएको जानकारी दिनुभयो ।
पूरा पढ्नुहोस्