पहिरोमा पुरिएर एकै घरका ३ सहित ४ को मृत्यु

- बसन्त प्रताप सिंह, बझाङ

    श्रावण ५, २०७५

    – बझाङमा पहिरोले बगाउँदा एकै घरका तीन सहित चार जनाको मृत्यु भएको छ । चौतारीमा बसीरहेका बेला आज दिउँसो एक्कासी आएको पहिरोले बगाउँदा खप्तड छान्ना गाउँपालिका ६ बयानामा सो दुर्घटना भएको हो ।

    पहिरोका कारण दुई जना घाइते भएका छन् । घटनामा परी खप्तड छान्ना गाउँपालिका वडा नम्बर ६ बयानाका ५२ बर्षिया उजली देवी थापा, उनकी बुहारी ३२ बर्षिया महेश्वरी थापा र महेश्वरीका ६ बर्षिय छोरा कृष्ण थापाको मृत्यु भएको हो ।

    अर्का २० बर्षिय मंगल थापाको मृत्यु भएको स्थानीयले बताएका छन् ।  

     

     

    प्रकाशित:श्रावण ५, २०७५

    User's Feedback

    Comment via Facebook

    फेसबूक छैन? यो फारम प्रयोग गर्नुहोस्