सभापति देउवाद्वारा केन्द्रीय समिति बैठक आह्वान

- रेडियो कान्तिपुर, काठमाडौं

    कार्तिक २९, २०७५

    पार्टीमा आन्तिरक द्वन्द्व बढिरहेको समयमा नेपाली कांग्रेसका सभापति शेरबहादुर देउवाले केन्द्रीय समितिको बैठक बोलाउनुभएको छ । पार्टीभित्रको एकता मजबुद बनाउन र पार्टीको भावी कार्ययोजना बारे छलफल गर्न भन्दै देउवाले आगामी शनिबार दिउँसो २ बजेका लागि बैठक बोलाउनुभएको हो ।

    ललितपुरको सानेपास्थित पार्टी केन्द्रीय कार्यालयमा बस्ने बैठकमा केन्द्रीय कार्यसमितिका पदाधिकारी, सदस्य र आमन्त्रित सदस्यहरु समेतलाई अनिवार्य उपस्थित हुन भनिएको छ ।

    बैठकमा पार्टीको विधान, आगामी मंसिर २८ गतेबाट सुरु हुने भनिएको महासमिति बैठक र नेविसंघको महाधिवेशन लगायतका विषयमा समेत छलफल हुने पार्टी कार्यालयका सचिव प्रेम केसीले जानकारी दिनुभयो । 

    प्रकाशित:कार्तिक २९, २०७५

    User's Feedback

    Comment via Facebook

    फेसबूक छैन? यो फारम प्रयोग गर्नुहोस्