थाईल्याण्डकी राजकुमारी निर्वाचनका लागि अयोग्य !

- एजेन्सी, काठमाडौं

    माघ २८, २०७५

    - आगामी प्रधानमन्त्रीका लागि उम्मेद्वारी घोषणा गरेकी थाइल्याण्डकी राजकुमारी उबोरत्न राजाकन्या सिरिभाधना बर्नाभाडीलाई निर्वाचन समितिले अयोग्य ठहर गरेको छ ।

    राजसंस्था राजनीतिभन्दा माथि हुने भन्दै निर्वाचन समितिले उनलाई अयोग्य ठहर गरेको हो । त्यहाँको निर्वाचन आयोगले आज वर्तमान राजाकी दिदी बर्नाभाडीको नामविनै उम्मेद्वारहरुको नाम सार्वजनिक गरेको छ ।

    निर्वाचन समितिले विज्ञप्ति जारी गर्दै राज परिवार र राजसंस्था राजनीतिभन्दा माथि रहने र राजनीतिमा तटस्थ रहनुपर्ने भएकाले बर्नाभाडीलाई निर्वाचनमा सहभागि गराउन नसक्ने जनाएको छ । राजकुमारीले थाई रक्सा चार्ट पार्टीका तर्फबाट उम्मेद्वारी घोषणा गरेकी थिईन् ।

    सो पार्टीलाई समेत निर्वाचन आचारसंहिता उल्लंघन गर्दै चुनावी अभियानमा राजसंस्थाको प्रयोग गरको आरोप लागेको छ । थाईल्याण्डमा सन् २०१४ मा भएको सैन्य कू पछि पहिलोपटक आगामी मार्च २४ मा निर्वाचन हुँदैछ । 

     

    प्रकाशित:माघ २८, २०७५

    User's Feedback

    Comment via Facebook

    फेसबूक छैन? यो फारम प्रयोग गर्नुहोस्