अख्तियारका आयुक्त पाठकद्वारा पदबाट राजिनामा

- रेडियो कान्तिपुर, काठमाडौं

    फाल्गुन ३, २०७५

    नेपाल इन्जिनियरिङ कलेजको विवाद मिलाई दिने नाममा घुस लिएको समाचार सार्वजनिक भएपछि अख्तियार दुरुपयोग अनुसन्धान आयोगका आयुक्त राजनारायण पाठकले आज राजीनामा दिनुभएको छ । आयुक्त पाठकले आज राष्ट्रपति कार्यालयमा आफ्नो राजीनामा पत्र दर्ता गराउनुभएको राष्ट्रपति कार्यालयका सूचना अधिकारी श्रीधर गौतमले जानकारी दिनुभयो ।

    प्रशासनीक र कानूनी लगायत आवश्यक प्रक्रिया पूरा भएपछि राष्ट्रपति विद्यादेवी भण्डारीले पाठकको राजीनामा स्वजीकृत गर्नुहुनेछ । पाठकले घुस लिएका समाचार बाहिरिएपछि सत्तारुढ दल नेकपाले आज नै संसदमा महाअभियोग प्रस्ताव दर्ता गर्ने तयारी गरेको थियो ।

    आयुक्त पाठकविरुद्ध महाअभियोग दर्ता गर्नकै लागि नेकपा सांसदहरुको हस्ताक्षर संकलन पनि सुरु भइसकेको थियो । सत्तारुढ दलबाटै महाअभियोगको तयारी भएपछि आयुक्त पाठकले राजीनामा दिनुभएको हो । 

    अख्तियारका आयुक्त पाठकले घुसिलिएको भिडियो १ महिना अघि नै प्रधानमन्त्री कार्यलयमा पुगेको थियो । भक्तपुर इन्जिनियरिङ कलेजमा भएको आर्थिक अनियमितता सम्बन्धमा प्रतिनिधिसभाको शिक्षा तथा स्वास्थ्य समितिले पनि उपसमिति बनाएर अनुसन्धान गरेको थियो ।

    सांसद योगेश भट्टराई सयोजंकत्वको उपसमितिले गरेको अनुसन्धानले सो कलेजमा चरम आर्थिक अनियमितता भएको प्रतिवेदन दिएको थियो । 

    प्रकाशित:फाल्गुन ३, २०७५

    User's Feedback

    Comment via Facebook

    फेसबूक छैन? यो फारम प्रयोग गर्नुहोस्