नेप्से दोहोरो अंकले घट्यो

- रेडियो कान्तिपुर, काठमाडौं

    फाल्गुन ८, २०७५

    धितोपत्र बजारमा आज दोहोरो अंकले गिरावट आएको छ । बजार परिसूचक नेप्से आज १२ दशमलव ७२ अंकले घटेर १ हजार १ सय १२ दशमलव २३ अंकमा पुगेको छ । नेप्से ओरालो लागेसँगै कारोबार रकममा पनि हिजोको तुलनामा ५ करोड रुपैयाँले गिरावट आएको छ ।

    नेप्सेमा हिजो २१ करोड ४५ लाख रुपैयाँ बराबरको कारोबार भएको थियो । कारोबार भएका १० मध्ये ९ वटा कम्पनी समूहको उपसूचकमा भारी गिरावट आउँदा समग्र बजार प्रभावित बन्यो । सबैभन्दा बढी बीमा कम्पनी समूहको उपसूचक १ सय ६७ दशमलव ८३ अंकले घटेको छ ।

    निर्जीवन बीमा समूहको १ सय ५ दशमलव ४५, लघु वित्त समूहको १९ दशमलव ३३ र विकास बैंक समूहको उपसूचक १३ दशमलव ४२ अंकले घटेको छ । यस्तै, उत्पादनमूलक कम्पनी समूहको उपसूचक भने ८ दशमलव ६९ अंकले बढेको छ ।

    नेप्सेमा आज कुल १ सय ६२ कम्पनीका ३ हजार ६ सय ८९ कारोबारबाट ६ लाख ८१ हजार १ सय ३८ कित्ता सेयर किनबेच भए । जसअन्तर्गत, १६ करोड ६१ लाख ७३ हजार ६ सय २८ रुपैयाँ बराबरको कारोबार भएको नेपाल स्टक एक्सचेन्जले जनाएको छ । नेप्सेमा आज माथिल्ले तामाकोशी जलविद्युत आयोजनाको सबैभन्दा बढी कारोबार भएको छ ।

    प्रकाशित:फाल्गुन ८, २०७५

    User's Feedback

    Comment via Facebook

    फेसबूक छैन? यो फारम प्रयोग गर्नुहोस्