दाउफिन्स माईभ्याली गोल्डकपको सेमिफाइनलमा

- विप्लव भट्टराई, ईलाम

    फाल्गुन ३०, २०७५

    विभागीय एपीएफलाई पराजित गर्दै क्यामरुनको दाउफिन्स, अन्तर्राष्ट्रिय आमन्त्रण माईभ्याली गोल्डकपको सेमिफाइनलमा प्रवेश गरेको छ । ईलाम सदरमुकाम ठूलो टुँडिखेल मैदानमा भएको तेश्रोे क्वार्टरफाइनलमा दाउफिन्सले विभागीय एपीएफलाई ३–१ ले पाखा लगायो ।

    दाउफिन्सको जितमा पेटङगाले २ तथा मेसुकेले १ गोल गरे । एपीएफका हरी कार्कीले १ गोल गरे । फाइनल प्रवेशका लागि दाउफिन्सले विभागीय पुलिसको सामना गर्नेछ ।

    प्रतियोगिताको अन्तिम क्वार्टरफाइनलमा भोलि त्रिभुवन आर्मी र झापाको मेची नेत्रालयबीच प्रतिस्पर्धा हुनेछ । यसअघि हिमालय शेर्पा र पुलिसले समेत सेमिफाइनलमा स्थान बनाईसकेका छन् । 

    प्रकाशित:फाल्गुन ३०, २०७५

    User's Feedback

    Comment via Facebook

    फेसबूक छैन? यो फारम प्रयोग गर्नुहोस्