पाँचथर गोल्डकप चैत २३ देखि 

पाँचथर
  • २ विभागीय सहित २० टिम सहभागी हुने

चैत्र १०, २०७५

पाँचथरको फिदिममा यही चैत २३ गतेदेखि पाँचथर गोल्डकप आयोजना हुने भएको छ ।  आयोजक पाँचथर क्लबले चैत २३ गतेदेखि सुरु हुने तेस्रो पाँचथर गोल्डकपको खेल तालिका सार्वजनिक गरेको छ । प्रतियोगितामा २ वटा विभागीय सहित १० टिम सहभागी हुनेछन् ।

हिमालयन शेर्पा, न्यू स्टार क्लब सुनसरी, दार्जिलिङ युनाइटेड, विर्तामोड युनाइटेड, रेडहर्स इलाम, विजय युथ क्लब हेटौंडा, जावलाखेल युथ क्लब ललितपुर आयोजक पाँचथर क्लब र मिसन युनाइटेड रहेको आयोजकले जनाएको छ ।

फिदिम माध्यामिक विद्यालयको खेल मैदानमा हुने प्रतियोगिताका विजेता टिमले नगद ४ लाख र उपविजेताले २ लाख रुपैयाँ पुरस्कार प्राप्त गर्नेछ । आयोजकले यो वर्ष विदेशी खेलाडी नखेलाउने भएको छ । प्रतियोगितामा भाग लिन लागि जिल्लाका उत्कृष्ट टिमबाट छानिएका खेलाडीहरुलाई बन्द प्रशिक्षणमा राखिएको छ । 

बैशाख २ गतेसम्म चल्ने प्रतियोगितामा प्रत्येक दिनका उत्कृष्ट खेलाडीले नगद ५ हजारका दरले पुरस्कार पाउने छन् भने विभिन्न विधाका उत्कृष्ट खेलाडीलाई १० हजार रुपैयाँका दरले पुरस्कार दिइने आयोजकले जनाएको छ । आइतबार फिदिममा पत्रकार सम्मेलन गर्दै आयोजकले प्रतियोगिताको तयारी तीब्र रुपमा भइरहेको जानकारी गराएको हो । 

चौधरी गु्रपको प्रायोजनमा हुने प्रतियोगिताको कुल लागत ४३ लाख रुपैयाँ अनुमान गरिएको आयोजक पाँचथर क्लबका सचिव योगराज सेढाँईले जानकारी दिनुभयो ।

 

प्रकाशित:चैत्र १०, २०७५

User's Feedback

Comment via Facebook

फेसबूक छैन? यो फारम प्रयोग गर्नुहोस्