बेलायतमा प्रधानमन्त्रीका लागि १० जनाको दाबेदारी

एजेन्सी

    जेष्ठ २८, २०७६

    – बेलायतको नयाँ प्रधानमन्त्रीका लागि १० जना अन्तिम उम्मेदवारको नाम सार्वजनिक गरिएको छ । प्रधानमन्त्री टेरिजा मेले गत साता पार्टी नेतृत्वबाट राजीनामा दिएपछि बेलायतको नया“ प्रधानमन्त्रीका लागि दाबेदारको नाम सार्वजनिक गरिएको हो । 

    कन्जरभेटिभ पार्टीको अध्यक्ष नै प्रधानमन्त्री बन्ने भएपछि सरकार र पार्टी नेतृत्वका लागि नेताहरुबीच प्रतिस्पर्धा भएको हो । विदेशमन्त्री जेरेमी हन्ट, पूर्व ब्रेक्जिटमन्त्री डोमिनक राब, स्वास्थ्यमन्त्री माट ह्यानकक र वातावरण मन्त्री माईकल गोभ पनि प्रधानमन्त्री पदका लागि सार्वजनिक उम्मेदवारहरुको सूचीमा अटाएका छन् ।

    त्यस्तै, पूर्व सांसद मार्क हार्पर, गृहमन्त्री साजिद जाभिद, पूर्व विदेशमन्त्री बोरिस जोनसन, संसदका पूर्व अध्यक्ष आन्ड्रिय लिडसम, पूर्व कार्य तथा अवकाशमन्त्री इस्थर म्याकभे र अन्तर्राष्ट्रिय विकासमन्त्री रोरी स्टेवार्टको नाम छ । ब्रेक्जिट मस्यौदालाई लिएर संसद तथा पार्टी भित्र चर्को आलोचना भएपछि प्रधानमन्त्री मेले राजीनामा घोषणा गर्नुभएको थियो ।  

    प्रकाशित:जेष्ठ २८, २०७६

    User's Feedback

    Comment via Facebook

    फेसबूक छैन? यो फारम प्रयोग गर्नुहोस्